旋風 的个人资料吉絲締的衣櫃照片日志列表 工具 帮助

日志


12月31日

MERRY CHRISTMAS~~

MERRY CHRISTMAS TO YOU ALL~~~
 
今日呢,我想寫返 25/12 嘅野喎......
 
唔..... 25/12 係CHRISTMAS 啦~~
 
梗係約埋班FRIEND去玩啦~~
 
 
嗰日同Amanda.Wendy & Carmen去咗尖沙咀~~
 
第一站,天星碼頭
 
<< 天上嘅雲......真係靚~~>>
 
 
第二站: NEWAY 唱K + 食BUFFET
 
<<第一ROUND美食>>
 
第三站: 海旁睇燈飾
 
 
 
 
話睇燈飾,其實係海旁 hea~~
 
是日最後一站: 葵芳食糖水......yummy~~~
 
P.S: Amanda 唔好post 唱k 嘅片出來哦~~~(佢哋只可供私人觀賞哦~~)
12月21日

手提電話被偷了~~

星期六, Wendy 同我講,
 
佢個手提電話被偷了~~
 
今日到我,
 
係呀,無錯.........
 
今日我係葵芳俾人偷咗個手提電話~~
 
超級失敗~~~
 
我嗰手提電話唔係好 in 啫,
 
要搵都搵部貴野去偷啦~~笨賊~~~
 
我詛咒你~~~衰足一世~~
 
笨賊 笨賊 笨賊 笨賊 笨賊 笨賊 笨賊 笨賊 笨賊 笨賊!!!
 
但請各位,煩請大家 call 返我,
 
我要重新 input 過大家嘅資料~~~
 
電話號碼照舊, thanks~~
 

<<我和柴犬我十個約定>>

小旋風今日同Ryan一齊睇咗<<我和柴犬我十個約定>>,
 
告訴大家超級感人~~
 
小旋風開始睇嘅時候,無咩特別感覺,
 
可以話係好幸福嘅感覺~~
 
但到中段開始,
 
小旋風睇到變咗做"大喊十"
 
我話俾大家知,眼淺嘅人絕對唔好睇,
 
因為真係好感人,
 
催淚指數達到7至8級 (10級為最高)
 
(絕對不能忽視~~)!!!!
 
12月19日

我的感情路

我知道有些人好關心我嘅感情生活,

 

好吧......今天,我就滿足一下大家嘅好奇心啦~~

 

如果,大家仲記得嘅話,

 

應該記得我和Ryan 嘅一個月嘅冷靜期,

 

一個月嘅冷靜期過了,我同Ryan都唔敢搵對方.....

 

因為,我要exam,

 

佢亦話因為我exam,唔想騒擾我溫書..

 

所以拖到今日佢至打電話俾我~~

 

大家約咗出黎Tea,傾咗好多過往發生嘅事. . . . . . . . . . .

 

最後. . . . . . . . . . .

 

記得我曾經"斬釘截鐵"咁話過要分手,

 

因為佢好煩,好似多咗個人管住自己咁,

 

咩都要管,咩都要理,好似多咗個監護人咁.....

 

但係冷靜期呢段日子,我開始懷疑~~

 

懷疑自己真係可以放得放得低嗎?

 

放得低一個咁為自己設想嘅男朋友嗎?

 

係冷靜期時,我用無數個理由,

 

告訴自己分手係一個正確嘅決定,

 

無論對Ryan 好,對我自己都好,

 

.........回顧過去相處嘅日子,

 

我搵嘅再到嘅唔再係Ryan嘅缺點,

 

而係一啲佢真係對我好嘅証明,

 

我唔舒服,一打電話俾佢,

 

佢會唔理自己做緊咩,係邊度,

 

第一時間走黎搵我,陪我去睇醫生.....

 

我唔記得食藥,佢會打電話提我,

 

仲要唔止一次,而係次次都係咁~~

 

我唔開心,佢會用唔同方法令我開心返,

 

雖然,呢啲只係好小事,

 

但係,佢真係為我做咗好多好多野,

 

一啲我一直認為係理所當然嘅事......

 

但係唔係任何野都係理所當然嘅.......

 

我記得我唔止一次同佢講,

 

做我男朋友會好辛苦,不如我哋做朋友

 

因為,我知道我會以朋友為先......

 

但佢只係笑笑口話唔介意,

 

因為佢只係想同我起埋一齊,

 

佢唔會介意我忽略咗佢,

 

只要我心中有佢就可以喇~~

 

但係,只要係我需要佢嘅時候,佢就一定會出現,

 

其實,拍拖就黎一年 (1月28日就一年啦),

 

自問唔係一個好女友,

 

係感情上付出嘅絕對俾Ryan 小,

 

雖然,唔知以後

 

我同你可以同行嘅路有幾長,有幾耐,

 

但我好感謝你曾經對我所做過嘅一切,

 

所以,為咗你, 為咗自己,

 

我唔會再咁幼稚,咁輕言 放棄我哋之間嘅感情。

  

報告完畢
 
 
12月3日

這個星期.......

好耐都無寫BLOG喇,係時候返返黎寫吓嘢喇,
 
回顧返自己先前寫嘅嘢,90%都係唔開心嘅,
 
難道係我嘅問題 (路人甲:梗係你問題喇!!Angry)
 
好喇,咁今次SHARE返啲正常返啲嘅嘢喇!!!
 
呢個星期都嘛嘛哋啦!!!
 
做義工,做得唔係咁開心
 
同個PARTNER完全唔合拍,
 
次次都搵我笨,上次仲俾佢搞到上堂遲到......唉!!!!!
 
星期日同我媽同埋佢家姐上咗深圳玩......
 
OK開心喎,睇咗好多嘢,做咗好多嘢......SO HAPPYWink
 
唔...琴晚出咗去同AMANDA,CARMAN 同埋WENDY去咗CAFE DINNER......
 
哈......終於搵到TERRIE TO 嘅傳人啦,佢係..........(自己心照喇!!Don't tell anyone)
 
其實,唔知係自己問題定我真係做錯,
 
仲係感覺大家對自己唔同咗,
 
諗返吓,其實我真係唔係咁成熟.....
 
自己返工唔開心,
 
自己好唔成熟咁令呢啲咁NEGATIVE嘅情緒影響自己同同學嘅關係.......
 
另外,我好想好想澄清,
 
我唔開心,唔會用身邊嘅人開刀,
 
我唔係嬲你哋,唔係想發大家脾氣,
 
係我發自己脾氣,
 
令大家唔開心,我都好唔好意思,
 
希望大家對我有咩不滿,
 
拜託務必同我講,
 
令我明白自己有咩做錯,有咩做得唔好!!!
 
好啦,寫到呢度先,下次返黎再寫!!!!!!!!!