我知道有些人好關心我嘅感情生活,

好吧......今天,我就滿足一下大家嘅好奇心啦~~

如果,大家仲記得嘅話,

應該記得我和Ryan 嘅一個月嘅冷靜期,

一個月嘅冷靜期過了,我同Ryan都唔敢搵對方.....

因為,我要exam,

佢亦話因為我exam,唔想騒擾我溫書..

所以拖到今日佢至打電話俾我~~

大家約咗出黎Tea,傾咗好多過往發生嘅事. . . . . . . . . . .

最後. . . . . . . . . . .

記得我曾經"斬釘截鐵"咁話過要分手,

因為佢好煩,好似多咗個人管住自己咁,

咩都要管,咩都要理,好似多咗個監護人咁.....

但係冷靜期呢段日子,我開始懷疑~~

懷疑自己真係可以放得放得低嗎?

放得低一個咁為自己設想嘅男朋友嗎?

係冷靜期時,我用無數個理由,

告訴自己分手係一個正確嘅決定,

無論對Ryan 好,對我自己都好,

但.........回顧過去相處嘅日子,

我搵嘅再到嘅唔再係Ryan嘅缺點,

而係一啲佢真係對我好嘅証明,

我唔舒服,一打電話俾佢,

佢會唔理自己做緊咩,係邊度,

第一時間走黎搵我,陪我去睇醫生.....

我唔記得食藥,佢會打電話提我,

仲要唔止一次,而係次次都係咁~~

我唔開心,佢會用唔同方法令我開心返,

雖然,呢啲只係好小事,

但係,佢真係為我做咗好多好多野,

一啲我一直認為係理所當然嘅事......

但係唔係任何野都係理所當然嘅.......

我記得我唔止一次同佢講,

做我男朋友會好辛苦,不如我哋做朋友

因為,我知道我會以朋友為先......

但佢只係笑笑口話唔介意,

因為佢只係想同我起埋一齊,

佢唔會介意我忽略咗佢,

只要我心中有佢就可以喇~~

但係,只要係我需要佢嘅時候,佢就一定會出現,

其實,拍拖就黎一年 (1月28日就一年啦),

自問唔係一個好女友,

係感情上付出嘅絕對俾Ryan 小,

雖然,唔知以後

我同你可以同行嘅路有幾長,有幾耐,

但我好感謝你曾經對我所做過嘅一切,

所以,為咗你, 為咗自己,

我唔會再咁幼稚,咁輕言 放棄我哋之間嘅感情。

心痛, 心傷, 一切一切都令我心灰意冷, 只想走到一個平靜的地方, 好好的自己過活.

十多年了, 原來換來的只是多麼傷心的責罵,  原來我是個貪得無厭的小人!  太可笑, 真可悲!

我大了, 要自己handle 自己以後的事了!