 | | |
| | |
|
Spaces home  吉絲締的衣櫃PhotosProfileFriends |  Tools   |
|
May 20 叮噹的三點三提到豆沙包，由三歲到六十歲的朋友都會答：「叮噹（或多啦A夢）！」今日起，豆沙包可以等於Tiramisu、士多啤梨朱古力、抹茶忌廉……
豆沙包Take-away 日本人稱點心為「和果子」，當中的銅鑼燒更是日本傳統果子的代表作。Sakura-street進軍香港，決心做獨家的銅鑼燒專門店！ 想食貨真價實的日本傳統銅鑼燒，來金鐘吧！Sakura-street位於金鐘廊，既是做 Take-away的，店面也就十分簡單。開放式櫃台放著成千上萬的銅鑼燒，排列整齊，相當震撼。銅鑼燒種類繁多，除基本十多種外，還有期間限定、新口味等等，每日一款都要試足兩個多星期。 和式洋式口感不同 這裡的銅鑼燒用料新鮮講究，單單餅皮亦分為「和式」、「洋式」。口感不同，夾心亦有不同配搭，包括小倉（紅豆）、栗子紅豆、三色白玉、黑芝麻、士多啤梨奶油、香蕉朱古力，還有本月新口味抹茶 Tiramisu等等。Fusion銅鑼燒，由內至外都吸引非常，實在不得不佩服日本人的創意和專注。 回想起第一次……朋友請食銅鑼燒……我挑選了Tiramisu，整個餅皮烤得很香，鬆軟而富彈性。一咬之下，更是充滿驚喜！Tiramisu香味傳來，入面有咖啡啫喱，入口很軟很滑。同事告知這款十分搶手，經常售罄。「太美味、太感動了」，我為自己的滿足和識貨而沾沾自喜。美食當前，真的很難忍口，轉眼間我已經吃第三個了，呵呵！ 銅鑼燒小貼士 1. 全部銅鑼燒新鮮精製，最適宜即買即食。 2. 如果想留待第二日享用，切記放進雪櫃。 May 17 究竟點樣去面對呢?尋晚有好多朋友打俾我,
SORRY......心一直很亂,
所以沒有接你們的電話
尋晚發生咗啲咩事,我唔想提.......
知道嘅請扮成唔知.唔提.唔理,
但我係度應承你哋我絕對唔會心軟,ok~~~
至於,唔知嘅,就最好唔好知喇~~
但我明白每個人都有高低起伏o既時候,
究竟點樣去面對呢?
現在呢一刻唔知...........
因為心很累, 人也很累,
太多結解唔開喇! 找尋快樂找不到, 該如何呢? 我今日好hurt我今日好hurt,
喊咗好耐,
我真係唔想相信一個我如此信任嘅人會係人哋
面前咁講我~
我終於明白何謂<<人心隔肚皮>>這個道理 May 15 腦海裡只有.......................每個人都有高低起伏o既時候,
究竟點樣去面對呢?
心很累, 人也很累,
腦海裡只有不開心這三個字, 點解呢?
太多結解唔開喇! 找尋快樂找不到, 該如何呢? May 13 母親節今年嘅母親節,我同咗兩位媽媽過節
第一位,自然係我媽咪啦~~
至於,第二位就係RYAN媽喇~(我叫伯母)~~
我係10號零晨同我媽過節,送咗個CAKE俾佢~~~
我媽話個CAKE嘅賣相就唔係幾好,但到叫OK好吃
至於11號下午呢,就同伯母飲茶,.
講起伯母,我超唔好意思........
去過人哋屋企食飯不特至,仲要佢煲埋湯,叫RYAN拎俾我~~
GOD~~上次去佢哋屋企食飯,係年廿九,
係因為年廿八同RYAN係尖沙嘴行街,
點知撞見伯母,佢請我去佢屋企,
RYAN唔出聲幫我,SO盛情難卻..............
而家,仲要佢煲埋湯,叫RYAN拎俾我~~
真係唔知點感謝伯母呀~~~
另外,RYAN ,我同你屋企人食過兩次飯
睇吓幾時到你同我屋企食飯........嘻(奸笑ing~~)
不過,我都唔知搵邊個同你食飯........
至少,唔會係我媽,因為我弟弟拍拖咁耐,
都無同佢女朋友同我媽食飯,
所以,我唔可能亦唔可以打佢尖嘅~~~嘻(奸笑ing~~) May 02 我的第二份工--------失敗咗~~我的第二份工--------失敗咗~~
呢份工嘅時間,地點超正,超方便
但...........god...........why ??????
人家叫我回家等消息..........
所以我想........希望是落空........................
至於,另外一個和我一起試工嘅女仔
我本來都以為佢O.K
但竟然佢都唔得............都係回家等消息~~~~ April 28 搵到第二份工啦~~我搵到第二份工啦~~
由於第一份工真係做得唔係太開心,
所以, 25/3 立即開始搵過第二份~~
搵咗一間係附近商場嘅補習社~~
因為第一間始終返咗一日,唔係咁好意思即時 fire 咗個 boss~~
第二間又俾我係 2/5 至返~~
所以,荃灣嗰到做到月底就唔做喇~~
April 25 我的第一份工尋日係第一日返工，返嘅係補習社~~
雖然係返4個鐘,但係超辛苦~~
本來話收9:15pm,但實際第一日返就收9:55pm~~
返到屋企成十一點~~唉~~連我阿媽都返到屋企,
班學生同個環境又嘈，真係好難頂，
所以我决定做到月底就唔做喇～～～
超辛苦，返完第一日之後把聲係沙嫁～～
我從未試過用咁大聲去同人默書，
仲唔係默一個默一次，係七個默成三次（係至少）～～ April 24 我搵到工啦~~哈~~我今日去見工~~
誤打誤撞俾我見到~~仲要俾人請埋~~
係係荃灣做補習社~~
返一至六,5:15pm~9:15pm~~
雖然人工唔高,但係至在攞經驗~~
我今日要去返工啦~~~ April 14 你當無事,我又可以點~~ACTUALLY 我唔知係你錯定我錯,
自從同你一齊就嚟兩個半月,
人哋熱戀期都未過,
但我同你已經第4次鬧交,
次次鬧完交,你都會當無事發生,
你當無事,我又可以點~~
我同你根本知道問題係存在,
但你要逃避,我可以點?
我唔知你點諗,想 check 我電話,
就大方啲,直接問我囉.
又唔問吓我,自己攞嚟睇,
我唔係介意你睇我電話,
而係介意你問都唔問吓自把自為,
唔聽你電話,唔睇唔覆你啲sms 三日,
想俾你自己諗吓我嬲咩,介意啲咩
星期六晚,同你傾咗成晚,我至知你唔知我嬲咩,介意啲咩......
我真係覺得好失敗~~
星期日收到你啲sms,你想求和,又當無事
我又可以點~~
你可唔可以誠實面對我哋之間嘅分歧,
April 04 AL嘅可怕日子31/3 係A-LEVEL 嘅開始.一開始就先來三份PAPER~~
呢三份PAPER係:實用文寫作,閱讀理解同埋文化篇章~~
1/4又係考中化,今次考嘅係LISTENING~~好彩粒電聽駛，否則........
3/4係考 U.E 呀,一來又係三份PAPER~~
5/4就係考LISTENING~~~希望粒電聽駛，否則........
為咗呢幾日,我將一啲會搵我煲電話粥朋友嘅電話set咗去call reject list~~(其中包括best friend)
但係呢幾日,佢哋都有call我,仲send sms 俾我~~
我現在好內疚呀,佢哋唔知我要考A-Level.又reject 哂佢哋啲電話~又唔覆佢哋啲sms~
唔知佢哋會點諗呢~~唉~~~(煩惱ing~~)
除咗佢哋,仲有Ryan~~不過好彩佢呢排要忙著準備比賽啲事,否則.........
今日係清明節,我記得上年拜完山之後係同best friend過嘅~~
但你今年因為A-Level 而連佢嘅電話都唔接~(唉~內疚ing~)
唔寫啦~~費時愈寫愈內疚~~
March 27 28/3--兩個月嘅里程碑28/3雖然對所有人而言,唔係一個特別嘅日子,
但對我同Ryan而言,呢一日係好重要,
但係我居然忘記咗如此重要嘅日子,
若非電話有提示功能
我諗我真係會唔記得~~(深切反省中)
兩個月雖然唔係一個好長嘅日子,
但係對我而言,係一個好重要嘅里程碑,
其實呢兩個月,我經過好多次嘅反覆思考,
究竟我係唔係真係可能兼顧愛情同學業??
我記得我上中六嘅時候,由一間女校轉讀一間男女校,
有人問過我會唔會拍拖？
我記得我係斬釘截鐵咁話過我未讀完書,我係唔會拍拖嘅~~
但係經過呢兩個月嘅相處,我諗我暫時都可以兼顧愛情同學業嘅~~
可能大家都係學生嘅關係,始終都係學業要緊嘅~~
所以我哋嘅拍拖聖地就係自修室喇~~
出去玩嘅時間,十隻手指都數得到~~
我而家都唔敢話俾屋企人知我拍緊拖,
因為始終都驚佢哋會反對,
雖然話就話有番咁大個人,自己識諗,
但係而家始終都就黎係 A-Level,
唔想屋企人因為咁而覺得我心散咗~
但係係唔係唔話俾屋企人知??
答案: 唔係,
但大前提係等過咗個 A-Level 先,
同埋穩定啲先話佢哋知啦~~
March 21 我好想唱k呀~~曾經聽 Ryan 說過..一個人的學習同溫書都有一條curve...會不斷向上..直至到了最高的一點便會回吐了..現在的我..是正在回吐..還是還在起步的階段?? 最近..我已愈來愈累了..真的愈來愈不想起床..真不想再看到自己每天都不知道自己正在做什麼...一放break猶如冬眠的樣子... 現在學的東西愈來愈難..比我想像中難好多..錯得也比我想像中多很多..嚴重得一條也不對..錯敗感開始強了.. 接踵而來的AL.令我的壓力大了很多..本身書包已經很重了..現在還有了壓力使我兩肩真是很重.. 本來已不再害怕的成績表..今日被呀sir一提..令我開始又怕了... 我真的很想大叫一聲"我很累"呀... 曾經聽過人說..一個人有壓力時..負能量就會增加..現在的我..身體是不是只有負能量?? 我真的累了嗎??還是經過會考的洗禮後..已忘了壓力是什麼?? 我真的希望壓力是把我推高..而不是把我變得愈來愈累... 我要打敗很累的自己..我要充滿正能量呀!! p.s我好想唱k呀!!唱走哂d壓力!!好多碟都好想睇呀!! March 19 唔知點解個個都會以為我無男朋友嘅~~唔知點解個個都會以為我無男朋友嘅~~
我雖然無介紹佢俾大家認識,但係唔等於我無呀~~~
尋晚,我同一個朋友仔傾電話,傾傾吓,佢特然話要幫我介紹男朋友喎~~
之前,又俾一個Auntie叫我眼角放低啲~~~
唉~~我現在有必要在此澄清--------我唔係無男朋友啊~~~
我雖然無post佢啲相係我個blog介紹俾大家認識,
但係佢個大名有係我個blog出現過啦~
至於係邊,提示係-------佢個名出現係2008年嘅網誌中~
咁可唔可以當介紹咗佢俾大家認識呢～～
所以,請所有朋友仔唔駛替我操心啦~~~
至於想見到佢嘅真人,請留言啦～～(哈~講笑咋)
我唔該大家唔好再以為我無男朋友喇！！
March 18 給自己的信我們每個人也曾被傷害，但我感謝那些傷害我的人，你們教會我帶眼識人。 這就是人生，所有的甜酸苦辣都要自己去品嚐、去細味。 多年後，我們回去起那些事、那些人，我們會發現，原來那些事、那些人，都豐富了我們的生命。
永遠不要放棄尋找幸福權利，這個世界還有很多人會懂得愛你和珍惜你，知道嗎？ 你是那麼美好的，這個人不懂欣賞你，我們就要去努力尋找一個懂得欣賞你和愛你的人。 這個人一定存在，在某年某月某日，一個適當的時候到了，他就會出現。 現在你要做的是：永遠對未來懷有希望。
失去信心比失去全部財產更可怕，灰心和絕望會把我們的靈魂一點一點吞噬。
記着：永遠對未來懷有希望。 March 15 可怕嘅中化oralA-LEVEL 真係不是人考嘅考試～～
14/3係我考中化oral嘅大日子~~
唔知係唔係我無考試運~~
啲題目十分驚嚇~~~
短講topic是[紀律]~讓我看了有種痴呆的感覺~
討論topic是[獅子山下一曲中嘅－－放開彼此心中矛盾，理想一起寺追，用艱辛努力寫下不朽香江名句]~(沒記錯的話應該是
這樣~)
真係無言啊~~
所以.........
A-LEVEL 真係不是人考嘅考試～～
March 11 準考證收準考證前的心情:未到既未到既..還可以欺騙自己a-level還未到
收準考證後:什麼是"人生的意義"? D人成日話,,會考/高考只是人生中一個很小小小小小的部分.. 事實上..亦有好多人證明了.. 但是...今時今日..我還是覺得會考對自己真的好好好好好重要! 5年前我同自己講..讀完中五已經好叻.. 3年前我同我自己講...讀完中七已經好叻 今天我同自己講...讀到大學就好叻... 果然..人的慾望是無窮無盡.. 但自問現在..真的拚盡了嗎? 不是... 內疚的點在這裡! 講留準考證! 14號中化ORAL! 說遲不遲說早也不早.. 但地點就頭痛.. 全完中學... 中化UE..都是保祿六世書院...是一間唔識去的中學 中國歷史..嶺南鍾榮光博士紀念中學 地理..荃灣官立中學......是一間唔識去的中學
March 05 宿命?每次考試完咗都會病, 唔通呢個就係我既宿命? 唔通我前世有發生過d咩事, 唉~ 以前都係普通既傷風感冒, 但係今次嚴重好多, 晚晚都咳到無覺好訓, 我一定要快啲好番啊~~ A-LEVEL 我唔可能唔得嫁~~ Ryan 叫咗我好多次去睇醫生, 但我無理到,仲要返學, 今日係上課嘅 last day 喇~~ 咁証明 A-LEVEL 真係快啦~~ 14/3 係我考第一科嘅大日子~~~ 考嘅係中化嘅 ORAL~~~ 我要努力~~~全力以赴~~~~~
March 03 感冒中幾經辛苦,mock 終於完滿結束喇~~~
其實星期五係最後一日嘅,但由於要放鬆一下,
所以無係第一時間上 blog 分享我嘅慘不忍睹嘅 mock 經歷~~~
今次嘅 mock exam 簡直慘絕人寰~~
地理同中國歷史,每一科足足六個鐘~~上午三個,下午三個~~
其他嘅唔 say 喇~~~總知係------苦不堪言~~~
簡直 k.o 咗我~~
經歷咗 two weeks 嘅折磨,我終於唔掂~~感冒中~~
今日要返學不特止~~仲要 check exam paper~~god~~~
exam results 係---------慘 慘 慘 慘 慘 慘 慘...........
無數個嘅 慘 cannot be 去 描述我嘅心情 and exam results~~~
現在只希望可以快啲好番~~可以努力溫書,準備A-Level~~
第一場嘅 A-Level exam 係係三月三十一日~~~係中化~~~~
我要努力~~~全力以赴,做到最好~~~
February 09 這個新年真太冷這個新年真太冷，年三十夜冒著冷雨去了行年宵，不知道是經濟好了的緣故，還是香港人
喜歡湊熱鬧的性格，抑或都市人實在沒有什麼可去的地方，人擠得水洩不通，比往年都要
熱鬧．十二點多才到達銅鑼灣，還是長長的人龍．
人潮擠在乾貨入口，基本上動也不動，然後雨點越下越大，各式雨傘一齊張開．眼前就是
一片傘海，把路和店舖都遮蓋了．有人說笑道：新年很好看的雨傘展，什麼款式圖案都有
，挺好看，值回票價．
撐著傘，擋著路，在人潮中擠出空間，每遇上有興趣的店舖，就共同協定向右或向左移動，
在人海裡，就好像一隻兩人支撐的小孤舟與狂潮搏鬥前行．短短一條走道，也走了一個多小
時，我們各有收穫．前一段乾貨市場依然人頭湧湧，還是轉戰濕貨．
雨越下越大，躲在布篷下吃小食，已經快凌晨三時了．在風和雨的交戰下，原本已經有點
感冒和疲憊的我，更加感覺冰冷．情話裡，當然說：有了你在身邊，暖在心頭．現實上，
病況在嚴重中．
回到家，差不多四時了，過了很豐盛的年三十夜．快快用柚葉洗刷身體，就爬上床，知道
他也平安回到家，我就暈睡過去．然後，新春幾天都流著鼻涕，感冒了． |
|
|
Print
